Is des Normool?

-Naa des is Subber- ( Plus )

Bei unsrer Feierwehr do gibt’s a boor,
die kümmern si um zeich und woor.
Zu rebariern und butzen gibt’s do genuch,
wall ab und zu geht wos zu bruch.

 Geht Nachmidooch die Erbert aus,
dann kumma mol die Autos raus.
A Bewechungsfahrt muß manchmol sei,
sunnst rosten ja die Dinger ei.

 Unterwegs macht si der Gerätewart Gedankn
„Des basst do fohr mer glei nu Tankn“
A jeds Auto braucht zum fohrn a Benzin,
also geht’s hammwärds nu zur Tankstell hin.

 Mitn LKW zur Zapfsäuln no,
scho fanga die Probleme o.
Der B… steht do mitn Tankdeckel in der Händ
und frocht ob mer NORMOOL odder SUBBER nemmt.

 Der GW denkt der macht an Witz und steicht drauf ei,
„Naa, SUBBER PLUS kert in den Woong do nei.“
Er schaud korz wech, dann widder hie, wors scho bassierd mit der Marie.

Er schreit,“ Halt, Stop des kann net sei,
schittst du etz echt a Subber Plus in Dieseltank nei.
Do trifft an wergli ball der Blitz, wor des am end doch ka Witz?“

 Gott sei Dank bloß a boor Liter, sunnst werds fier den Motor bitter.
Wall fohrn mooch der net mit Benzin, im LKW is Diesel drin!

 Zu guter Letzt, des muß ja sei, biecht nu der Kommandant in die Tankstell ei.
Er schlächt die Händ a glei vors Gsicht, „wenn aaner  frocht ich kenn eich nicht,
des derf mer ja gor kann derzälln, dass mir uns so beim Tankn stelln!“

Und wos lern mer aus der Gschicht?
Es LF8 fährt mit Benzin nicht!