Die neie Straß is nune richtig offen,
wird aufm Festplatz scho kräftig gfressen und gsoffn!

Do kummas aus Gudensteddn,
und wolln is letzte Freibier retten!

Auf  dem Festla wor die Hölle los,
dageger ist die Kerwa kalter Kaffee bloß!

Do kost’s nix und is „all for free“,                                            (umersunst)
do rennt der halbe Landkreis hi!

Ausm Center hams die Brodwöschd einzln bracht,
ans GRILLEN - soweit hat der Wirt net dacht!

Saufen, Fressen, alles Frei!
Do bagg mer fier daham wos ei!

Die Eröffnung hat die Auswärtigen net interessiert,
ober beim Fressen und Saufn hats gscheit bressiert!  

Der Brodwoschdnochschub, der wor schlecht,
weil er’s poorweis in der Pfanna mächt!

Do stehst a Stund sche in der Schlanga oh,
und denkster, der do vorna wor doch scho öfters do!

Klaerlbach, Münschtana, Gudensteddn,
bei der Eröffnung worns net vertreten,
aber Gott sei Dank lesen die die Zeitung ah,
und kumma und saufn auf die Kosten vo unserer Gmaa!

Der Centerwirt ist ein Gurmett,
der brät die Wöschd im heißen Fett!

Die Krüge voll , die Teller leer,
der Center Wirt bringt die Wöschd net her!