„Neigschissn“

Im Sachsengrund das AWO-Heim,
läd zur Weihnachdsfeier in’s Radlerterff ein.

 Da feiern se mid Plätzle – fein
gefehld hat bloß a warmer Wein.

 Zu Dringgn gab’s kann Schnaps und Bier
nur Wasser und Spezi dringgens hier.

 Sie essen den Schdolln und dringen den Safd,
ob des der dorschdige Moong schaffd?

 Der ane rülbbsd, den Annern blähds,
a so a Geschdang, den Nachbar drehds.

 Wos is na des – des gibd kan Sinn,
im Schieß wor Madriol mid drin.

 Der rennd na glei zum Abbort naus,
do ziehd er dann sei Hosn aus.

 Oh Schreck lass noch, da hads nern gerissn:
„Etz hob ich in die Hosn gschissn!

 Wos mach ich  etz mit dem Maleur,
do muss sofort a Lösung her.

 Ka Restmülldonne, ka Verschdeg,
wie bring ich etz den Scheißdreck weg?“

 Wo gehört die Scheiße hin?!?
- Na logisch: in die Schüssel rin

 Er ziehd den Abzug, freut sich gscheid
und feierd weidder mid di Leid.

 Des hat gor kaner gmerggd,
des wor a richdigs Masderwergg.

 Dem Spodd für dieses „Mistgeschick“,
endging er (zunächst) mid viel Gligg.

 Derweil der Slip schwamm unverdrossn,
zu den „Klärwärter-Genossen“.

 Am Dooch drauf, der grosse Schreck,
di Bumbbe schdehd, es fliessd nix weg.

 „King Maderer“ mid Führungsteam
kriegt a di verschdobfde Bumbbe hin.

 Als Corpus Delicti fischt er raus,
den Tanga-Slip vom Radler-Haus.

 Er schmeckd glei amol tierisch nei,
„Naa, des kan vo kann Gudnschdeddner sei!

Unser Bürger kenn ich all
und an jedn Hosnschdall!

 In der Hosn do sdehd drin,
wer getrogn hat des Ding.

 „Ich hab’s ja gewissd des wor ja kloar,
das des ka Gudnschdeddner woar!“

 Und das der Kerl des nemmer mechd,
hat sich der „KING“ dann furchdboar grechd.

 Er schreibd des glei in die Zeidung nei,
weil so wos is a Sauerei.

 Drum überlege lieber Gast,
was in Gutenstettner-Apport schmassd!