„Kirche“ zum Goldenen Löwen

Die Kerwa iss is Johr amol 
und a Musik spilld a  ofd im Sool. 
Doch Freitags herd mer meisdens nix,
des had si genderd und zwor fix.
Vier Mann vom Saubohnachor
 die schbilldn auf, echd wunderbor.
Die Didelwahl a weng vergriffn,
des had sogar a Debb begriffn.
Die Stimmung war do rechd darnieder:
„Des sen ja lauder Kirchenlieder!“
Die vier hem ihr Bests gehm,
doch Stimmungsmusik is na ned glehng.
Vill hem gschmunsld und hem glachd,
bloß aner had sei Maul auf gmachd.
Er rechd si auf und schimpfd und fluchd:
„Wer had den so a Musik buchd?“
Blos an Schuldign had er kann gfunna,
die Vier sen ganz vo selber kumma.
A Geld dafier hems a ned gwelld 
und ham si ganz umsunsd nauf gschdelld.
Drumm Dolton-Bruder merke drauf
und führ Dich doch ned so arch auf.
Dich sichd mehr bloß zur Kerwamaß
und do läsd raus dein ganzn Baaß.