Crash – Test – Dummy

In Gutenstettn wor Feierwehrfesd,

do wurd so manche Moß nei pressd!

Der ah saufd zwaa, der anner drei,

beim nächsden iss a Schnabbs dabei.

Und ah mit Wodka und Red-Bull

schüdd mer si di Birne vull.

Ah der Sveni saufd ned schlechd,

doch des had si bidder grächd.

Um zwa, dreia, viera in der Nachd,

Had er si afn Hamweg gmachd.

Laafn had er nemma gwolld,

drum isser mid seim Fohrrod grolld.

Und nu zwa Leid und ohne Lichd

- damid die Bolizei nix sichd –

dredn alle drei ganz flodd

ihr Fohrrod Richdung Heimadord.

Und braugn in diesen dunklen Zeiden,

beim fohrn die ganze Strassnbreidn.

Auf amol duds an Schloch, an Schrei,

der Sveni war nemmer dabei.

Er had des Audo überseng,

drum is er auf der Rückbank gleng.

Die Heckscheibn brach und des is bidder,

dabei in hunderddausend Schblidder.

A so a Dempo, so a Saus,

des häld auf der Weld ka Nosen aus.

Es Gsichd zergradzd, die Nosen Brei,

so kummder in die Klinik nei.

Zwölf schdich muss der Doggdor machen,

damid der Sven kann widder Lachen.

Zum Glück is bloß a Narbn bliem,

Drum Merke:

Is next mol dusd dei Fohrrod schiem.